ding 20

Fersûpte Flinter

Efkes in nûmer van Boudewijn de Groot blypt. Moai nûmer trouens.
Kinst fuortendaliks ek noch sjen as Boudewijn ek by dy yn ‘e buert in konsert jout. Kinst ek noch in Top 100 gearstalle. Ik wit net as ik it brûke sil mar ik fyn it net in ferkearde site.
Ik ha ek eefkes op Grooveshark sitten en moast fuortendaliks al de nijste Flash player delhelje. Ast in fanatike muzykleafhawwer lizzen hjir in protte mooglikheden. Do kinst meielkoar in prachtich muzykprofyl meitsje. No’t ik der sa wat mei oan ‘e gong bin moat ik my der marris fierder yn ferdjipje. It is sa gek noch net.

ding 19

It sosjale netwurk ha ik ek net sa’n bining mei. Ik ha wol in pear kear immen folge dy’t tidelik yn it bûtenlân wie. Sy hold dat by op http://www.waarbenje.nu/. Fûn ik wol aardich. Koest reagearje op har stikjes en doe’t wy har opsochten yn it bûtenlân ha ik der ek in ferhaal opskreaun.
Ik ha al oanjûn dat ik op Hyves sit. Hjir wie ik fan doel stikjes te skriuwen oer mysels. Mar dat wie nei 5 kear ek al wer dien. Wa hat der no belang by wat ik op myn Hyves skriuw, tocht ik letter.

ding 18

Dit liket sa âlderaardichst. Ik wist net fan it bestean ôf.
Sels de fryske taal kinst selektearje.
ik ha thús in grutte kolleksje Fryske boeken.
Komst dus moai fan pas.
Oant no ta ha ik hjir it measte niget oan fan alle dingen dy ik hân ha.
http://www.librarything.nl/catalog/sjirkw

ding 17

Ik bin der no wol efterkommen datst omraak trochlinke kinst op WEB 2.0. In lyts healoere bin ik oan it klikken west. Wat in bombidich grut oantal sites. Fan myn kollega yn Frankryk moast ik “Frankwatchting” ek besjen. Genôch te lêzen.
Wat ik sels aardich fyn? Dat binne de sites oer harmonyorkesten en amateurmuzikanten.
Dat ha ik oeral besocht te sykjen mar gjin resultaten.
Hawar, dat sil him wol wer oan my lizze.

ding 16

Wat moat ik no oan YOU TUBE noch taheakje. Der stiet in protte ûnsin op mar ek aardige filmkes. Wat ik aardich fyn binne de âlde filmkes fan eartiids. Woansdeitemiddeis en sneontemiddeis koenen we eartiids om fiif oere tillefysje (swart/wyt) sjen. Pipo de Clown en Swiebertje wienen favorite series. Stiefbeen en Zoon kaam op sneontejûn foar de tillefysje. In geweldige sery. En dy filmkes fynst ek werom op YOU TUBE. Soks fyn ik aardich om op te sykje. Lêsten fûn filmkes fan grappige pianist Victor Borge en Danny Kay as dirigint fan it New Yorks philharmoanysk orkest. Geweldich?
Hjir brûk ik YOU Tube wat foar. Mear net.

ding 15

Nei de radio harkje is net ien fan myn favorite hobby. Ik harkje der einliks noait nei. In jier ferlyn ha we in nije auto kocht en der moast neffens ús jongste soan perfoarst in radio yn. No, ik sei: “Dan betellest him sels mar”. En ferdomd ast net wier, dat hat er ek noch dien. Mar ik woe mar dizze, it ding hoecht der om my net yn.
As ik efter de kompjûter sit kin ik ek gjin leven om ‘e kop ha. Muzyk fia it ynternet wurket by my ek net. En no, Thea, fregest my wat ik fan Podcasting fyn.
Dus ha ik eefkes op de site fan Bibletheek Waterweg sjoen. It is allegearre prachtich wat der oanbean wurdt. Mar, it muoit my tige mar oan my falt der gjin ear te beheljen wat podcasting oan belanget.

ding 14

Dêr hast no wer soksawat. Tsjette!
Slap geouwehoer oer neat. Ik fergelykje it mar mei Twitter. Ja, ik wit it wol, it sil ek wol wer in goede kant ha; Bedriuwsmatich ensfh. Mar ik brûk it net.
Dus moat ik no troch de bocht en bin eefkes oan it tsjetten west mei myn âld kollega út Makkum. Sy sit al in skoftke yn Frankryk. Ik bin lid fan Hyves en ha fia Kwekker oan it tsjetten west. Kinst ek noch sjen as der ien online is. It gong net as it slydjage mar we kamen der wol trochhinne. Der binne bettere tsjetprogramma’s. Dy sille we nochris útprebearje.
Mar it bliuwt foar my behelpen.

'>http://